Majalisar dattawa ta gayyaci Sunday Dare da Amaju Finnick

Majalisar dattawa tayi sammacin Ministan ci gaban Matasa da wasanni na kasa Sunday Dare da shugaban hukumar kwallon kafa ta kasa NFF, Amaju Pinnick, biyo bayan gaza kaiwa gasar cin kofin duniya da tawagar Super Eagles ba taiba a gasar da za a gudanar a kasar Qatar a shekarar 2022.

Gabatar da kudirin sammacin da akai musu ya zone bayan da Sanata Michael Nnachi daga jami’iyyar PDP a jihar Ebonyi ya gabatar a ranar Laraba.

Haka zalika Majalisar dattawa ta kuma bukaci Ministan na wasanni da ya a kafa kwamiti namu samman da zai binciki yadda aka lalata filin wasa na Moshood Abiola da ke birnin tarayya Abuja a ranar 29 ga Maris, lokacin da Super Eagles ta buga wasa da kasar Ghana.

A gefe guda shima Sanata Abba Moro daga jihar Benue ya goyi bayan kudirin, wanda ya ce gayyatar da akai musu ya yi dai-dai musamman yadda tawagar ta gaza samun damar wakiltar nahiyar afrika a gasar cin kofin duniya.

Ya kuma ce abin ta kai cine yadda aka lakata filin wasan na Mashhud Abiola wanda ba a da de da yi masa kwaskawari ma ba.