Majalisar dattijai ta buƙaci Buhari ya ayyana ƴan bindiga a matsayin ƴan ta’adda.

Majalisar dattijan ƙasar nan ta buƙaci shugaban ƙasa Muhammadu Buhari ya ayyana ƴan bindiga a ƙasar nan a matsayin ƴan ta’adda.

Kazalika majalisar ta buƙaci shugaba Buhari ya ayyana shugabbanin ƴan ta’addar a matsayin waɗanda ake nema ruwa a jallo kuma waɗanda za a hukunta da zarar an kama su.

Wannan dai ya biyo bayan ƙudirin da sanata mai wakiltar Sokoto ta gabas Ibrahim Gobir da wasu sanatoci 8 suka gabatar.

Yayin da yake bada ƙudirin Gobir ya ja hankali majalisar kan wani harin ƴan ta’adda da suka kai shalkwatar tsaro ta Civil Depence da ke Sokoto a ƙarshen mako.

Har ma ya bayyana takaicin sa kan yadda harin yayi sanadiyyar mutuwar sojoji da ƴan sanda 16.