Majalisar wakilai ta amince Buhari ya ayyana ƴan bindiga a matsayin ƴan ta’adda

Majalisar wakilai ta buƙaci shugaban ƙasa Muhammdu Bahari ya ayyana ƴan bindigar da suka addabi ƙasar nan da ma waɗanda suke ɗaukar nauyin su a matsayin ƴan ta’adda.

Bukatar majalisar wakilan ta yi daidai da ta majalisar dattijai da ta gabatar a ranar Laraba.

Shugaban kwamitin harkokin tsaro na majalisar Babajimi Benson ne ya buƙaci hakan a zaman ta na ranar Alhamis.

Shugaban majalisar Femi Gbajabiamila ya tambayi ƴan majalisar ko da mai ƙalubalantar ƙudurin? Sai dai dukkanin su sun amince da buƙatar.