Majilisar dokokin kano ta amince da mutane 7 da gwamna ya turo mata a matsayin Kwamishinoni

Majalisar dokokin Kano tace ta amince da mutane bakwai da gwamna Abba Kabir Yusif ya aike domin tantancewa ya naɗa su a matsayin kwamishinoni Kuma ƴan majalisar zartarwar jihar nan.

Shugaban masu rinjaye na majalisar Lawan Hussaini Dala ne ya bayyana hakan jim kaɗan bayan kammala tantance mutanen bakwai.

A cewar Dala dukkanin waɗanda gwamnan ya turo majalisar nagartattu ne Kuma masu kishi da San cigaban Kano

Dala ya Kara da cewar tantancewar tasu ta mayar hankali ne bangaren da kowanne su yake da kwarewa.

Haka zalika majalisar tace a yau zata aikewa gwamna Abba da rahoton ta domin bashi damar rantsar da su da Kuma tura su ma’aikatun da zasu yi aiki.

Cikin kwamishinonin sun haɗar da.

1. Shehu Wada Sagagi
2. Comrade Ibrahim Abdullahi Waiya
3. Dr. Isma’il Ɗan Maraya
4. Ɗahiru Muhammad Hashim
5. Engr. Gaddafi Sani Shehu
6. Comrade Abdulkadir Abdussalam.
7. Nura Iro Ma’aji