Manyan kungiyoyin wasanni su rinka tallafawa kanana-Sarkin Kano

Mai martaba sarkin Kano Alhaji Aminu Ado Bayero ya bukaci kungiyoyin wasannin na kasar nan da su rika tallafawa kananan kungiyoyi domin farfado da su.

Sarkin ya bayyana hakan ne a ranar 17 ga watan satumbar shekarar 2021 lokacin da kungiyar kwallon Polo ta Kano ta kai masa ziyara fadar sa.

Aminu Ado Bayero ya ce idan manyan kungiyoyi na taimakawa kananan za’a samu ci gaban da ya kamata.

A nasa jawabin Shugaban kungiyar kwallon Polo na jihar Kano, Alhaji Bashir Sunusu Dantata ya ce sunzo fadar ne domin sarki yasa musu albarka.

Ziyarar ta samu wakilcin ‘yan wasan Polo daban daban dake ciki da wajen Kano.