Marasa kishin kasa da son lalata harkar ilimi ne suka fitar da wata kalandar bogi – Ganduje

Gwamnatin jihar Kano ta bukaci jama’ar jihar da su yi watsi da wata sabuwar kalandar jadawalin karatun firamare da sakandire ta bogi da ke yawo tsakanin jama’a.

Kwamishinan ilimi Malam Muhammad Sanusi Sa’idu Kiru ne ya bayyana hakan ta cikin wata sanarwa da ya fitar.

Ya ce, wasu mutane ne da ke son karkatar da hankalin jama’a ne suka samar da kalandar, a don haka ma’aikatar ilimi bata da masaniya kan yadda kalandar ta samo asali.

Muhammad Sanusi Kiru, ya kara da cewa akwai bukatar iyaye su kula wajen tantance kalandar ilimi ta gaskiya da ta bogi, domin kuwa akwai marasa kishin kasa da ke son lalata harkar ilimi a jihar Kano.