APC – Nan ba da jimawa ba Buhari zai yi maganin ‘yan ta’adda da masu daukar nauyinsu

Jam’iyyar APC ta ce nan ba da jimawa ba shugaban kasa Muhammadu Buhari zai yi maganin ‘yan ta’adda da ke zubar da jinin al’umma babu gaira babu dalili a kasar nan har ma da masu daukar nauyinsu.

A cewar jam’iyyar halin rashin tsaro da ke addabar kasar nan a wannan lokaci lamari ne da jam’iyyar ba za ta mai da shi batu na siyasa ba, kamar yadda ‘yan adawa ke yi.

Hakan na cikin wata sanarwa ce mai dauke da sa hannun sakataren yada labaran jam’iyyar Sanata John Akpanudoedehe.

Sanarwar ta ce rashin tsaro da kasar nan ke fuskanta a wannan lokaci musamman ta’addancin Boko Haram, masu satar mutane suna garkuwa da su da sauran tsageru da ke neman daidaita kasar nan ba za su samu nasara ba