Matatar mai ta Dangote ta rage farashin man Fetur

Matatar mai ta Dangote ta sanar da rage farashin fetur daga naira 1,275 zuwa naira 1,200 kan kowace lita.

Hakan na nufin an samu saukar farashin da naira saba’in da biyar.

A wata sanarwa da kamfanin ya fitar, ya ce saukar farashin ya biyo bayan samun ragin farashin jigilar man.

Matatar ta ce wannan sauyin na zuwa ne duk da tashin farashin ɗanyen mai na duniya, wanda ya kai dala ɗari kan kowace ganga.

Sai dai masana na ganin matakin zai taimaka wajen rage tsadar man fetur a gidajen mai a fadin Najeriya.