Messi ya ci gaba da karbar horo a Barcelona

Zakakurin dan wasan kungiyar kwallon kafa ta Barcelona, Lionel Messi, ya dawo sansanin kungiyar domin ci gaba da daukar horo, bayan gaza cimma burin sa na ficewa daga kungiyar.

Messi, mai shekaru 33, ya dai nemi amincewar Barcelona kan aniyar sa ta barin kungiyar a ranar 25 ga watan jiya, lamarin da ya janyo sa-in-sa a duniyar wasan kwallon kafa.

Dan wasan ya kuma yanke hukuncin ci gaba da zama a kungiyar ta Barcelona a ranar Juma’ar makon jiya, bayan da hakar sa ta gaza cimma ruwa.

Wannan shine karo na farko da Messi zai yi atisaye tare da sabon mai horas da kungiyar Ronald Koeman.