Muhammadu Sanusi II: Hadin kai tsakanin Nijar da Najeriya zai magance matsalar tsaro

Sarkin Kano na goma sha hudu a daular Fulani, Malam Muhammadu Sanusi na biyu, ya nemi al’ummomin kasashen jamhuriyar Nijar da Najeriya da su rika aiki tare wajen ciyar da kasashen biyu gaba.

Malam Muhammadu Sanusi na biyu ya bayyana hakan ne yayin wata ganawa da tashar freedom radio a birnin Yamai na jamhuriyar Nijar, yayin bikin rantsar da sabon shugaban kasa, Bazoum Muhammed.

Ya ce, Najeriya da Nijar ‘yan uwan juna ne akwai alaka ta jini tsakanin al’ummomin kasashen biyu, a don haka, yin aiki tare zai taimaka gaya wajen rage wasu matsaloli da kasashen ke fsukanta, musamman na tsaro da kuma rashin ayyukan yi tsakanin matasa.