Mun bai wa rundunar sojin Najeriya naira tiriliyan daya cikin shekaru 2 – Zainab Ahmed

Ministar kudi kasafi da tsare-tsare Zainab Ahmad, ta ce, ma’akatarta ta bai wa rundunar sojin kasar nan jimillar sama da naira tiriliyan daya tsakanin watan Janairun shekarar 2019 zuwa Afrilun wannan shekara.

Hajiya Zainab Ahmed ta bayyana hakan ne lokacin da ta gurfana gaban kwamitin kula da rundunar sojin kasar nan na majalisar dattijai.

Tun farko dai kwamitin kula da harkokin soji na majalisar ya gayyaci ministar ce sakamakon korafin da sojin kasar nan su ka yi na cewa suna bin ma’aikatar bashin naira biliyan hamsin da ya kamata a basu don ci gaba da ayyukan da suke yi na yaki da ta’addanci

Sai dai ministar ta ce rundunar sojin ta karbi isassun kudade daga ma’aikatar da zai biya bukatunsu.