Mun kama mutum 5 cikin waɗanda ake zargi da kashe matar aure a Kano – CP Dikko

Rundunar ƴan sandan jihar Kano ta ce, ta samu nasarar kama mutane 5 cikin waɗanda ake zargi da kashe matar auren nan Rukayya Mustapha a Kano.

Kwamishinan ƴan sandan Kano Sama’ila Shu’aibu Dikko be ya bayyana hakan a ziyarar ta’aziyya da tawagar gwamnatin Kano ta kai gidan su Marigayiyar a ranar Litinin.

“Tun bayan da muka samu labarin kashe matar muka fara bincike kuma All… ya ba mu nasarar kama mutane 5 da ake zargin su da hannu wajen kashe ta har cikin gida tare da jikkata yaranta”.

Sama’ila Shu’aibu Dikko ya kuma ce, rundunar ƴan sandan za ta ci gaba da bincike har ta kai gano dukkanin masu hannu tare da tabbatar da an hukunta su.