Labarai
Muna Allah wadai ga Alƙalan da suke bayar da umarnin a saki kwayoyin da aka kama
![](https://freedomradionig.com/wp-content/uploads/2024/06/IMG-20240323-WA0025.jpg)
Gwamnatin jihar Kano ta ce zata tabbatar ta kai alƙalan da suke bayar da Court order ga hukumar kula da zirga-zirgar ababan hawa Karota, kan kama kwayoyi da hukumar ta kama domin wannan rashin kishin al’umma ne.
Gwamnan jihar Kano Injiniya Abba Kabir Yusuf ne ya bayyana hakan a yau Asabar yayin ziyarar bazata da gwamnan yakai hukumar karota domin ganin yadda aikin hukumar ke gudana da kuma yadda za’a ƙara inganta musu kayan aikin su.
Gwamna Yusuf ya kuma kara da cewa yanzu haka zasu tabbatar sun bayyana sunayen duk wasu alƙalan da suka bayar da wannan umarnin na sakin kayan da aka kama.
Haka kuma gwamnan ya ƙara da zarar an tabbatar da alkalan da suke bayar da order gwamnati zata tabbatar ta ayyana sunan su da kuma sanya sunan su da kwayoyin da aka kama a gidajen jaridu.
Gwamna Abba Kabir Yusuf ya yabawa hukumar Karota bisa yadda suke gudanar da aikin su yadda ya kamata kuma gwamnan yasha alwashin ƙara inganta musu kayan aiki musamman motocin su.
You must be logged in to post a comment Login