Muna goyon bayan mulki ya koma kudu – Inji Sanatoci da Ƴan majalisun PDP

Ƴan majalisar dattijai da takwarorinsu na wakilai ƴaƴan jam’iyar PDP sun ce suna goyon bayan kalaman da gwamnonin kudancin ƙasar nan su ka yi na cewa, mulki ya koma yankin kudu a shekarar 2023.

Mambobin majalisar dokokin tarayyar waɗanda suka fito daga jam’iyar PDP sun bayyana hakan ne yayin wani taron manema labarai da suka gudanar jiya a Abuja.

Shugaban marasa rinjaye na majalisar dattijai Sanata Eyinnaya Abaribe shine ya karanta takardar bayan taro a madadin takwarorinsa sanatoci da ƴan majalisar wakilkai ƴan jam’iyar ta PDP.