Na amince a riƙa ɗaukan jami’an ƴan sanda dubu 10 duk shekara don yaƙi da matsalar tsaro – Buhari

Shugaban kasa muhammadu Buhari ya ce rundunar yan sandan kasar an na da damar daukar sabbin jami’ai guda dubu goma duk shekara domin yaki da ayyukan ta’addanci.

Shugaba Buhari ya bayyana hakan ne lokacin da yake jawabin taya al’ummar Najeriya murnar cika shekaru sittin da daya da samun yancin kai.

Muhammdu Buhari ya yabawa jami’an tsaron kasar nan maza da mata bisa yadda suke jajircewa wajen yaki da ayyukan bata gari a Najeriya.

Shugaban kasar ya ce jajircewa da Jami’an tsaron suke yi na yaki da ta’addanci ne ya sanya da yawa daga cikin mayakan boko haram suka zubar da makamansu.