Na bada umarnin a harbe duk wanda yayi goyo a Babur – Gwamna Matawalle

Gwamnatin jihar Zamfara ta bada umarnin harbe duk me baburin da aka samu da goya mutane biyu aka kuma tsayar da shi yaki tsayawa.
Mai Magana da yawun gwamnan jihar Bello Muhammad Matawalle, Zailani Baffa ne ya bayyana hakan yayin da yake zantawa da Freedom Radiyo a jihar.
Zailani Baffa ya ce an hana hawa babur daga karfe shida na yamma zuwa wayewar gari.
Sannan ya ce an soke sayar da mai na jarka a fadin jihar tare da hana gidajen mai sayar da mai sai dai a shalkwatar karamar hukuma shima baza’a zubawa mutum sama da na naira dubu goma ba.
Kazalika ya ce duk motar da aka samu da abinci za’a bincike ta, sannan an hana shiga da fitar da shanu a fadin jihar ta Zamfara.
Zailani Baffa ya ce an soke cin kasuwa ta mako-mako da aka saba ci har sai lokacin da gwamnati taga dacewar dawo da ci gaba da cin kasuwa.