Najeriya da sauran ƙasashen afurka sun yi asarar dala biliyan 190 sanadiyar Korona – Adesina

Shugaban bankin raya ƙasashen afurka, Dr. Akinwumi Adesina, ya ce, tattalin arzikin nahiyar afurka, ya yi asarar dala biliyan casa’in (190), sakamakon ɓullar cutar korona.

Mista Adesina ya bayyana hakan ne yayin taron shekara-shekara da bankin ya saba gudanarwa, wanda aka yi na wannan shekara ta kafar internet.

Ya ce, ɓullar cutar ta covid-19 ya janyo al’ummar nahiyar sama da miliyan talatin faɗawa cikin ƙangin talauci.

‘‘Yanzu haka ƙididdiga da muka gudanar mun gano cewa mutane miliyan talatin da tara, ka iya faɗawa cikin ƙangin talauci a wannan shekara matukar ba a ɗauki mataki ba’’ a cewar Adesina.