Najeriya kullum sake tabarbarewa ta ke – Sarkin Musulmi

Mai alfarma sarkin musulmi Alhaji Mohammad Sa’ad Abubakar ya ce har kullum al’amuran ci gaban Najeriya sake tabarbarewa suke.

Sarkin musulmin ya ce, karancin abinci na daya daga cikin abinda yake haifar da rashin tsaro a kasar nan.

Muhammad Sa’ad Abubakar ya bayyana hakan a jihar Gombe yayin taron koli na kasa kan zaman lafiya da kuma dabarun gina kasa.

A cewarsa, “Matsalolin Najeriya na ci gaba da hauhawa a kullum, ba tare da samo hanyoyin magancewa ba, kuma rashin gaskiya da ayyukan ta’addanci shi ke kara haifar da koma bayan”.

Alhaji Sa’ad Abubakar ya kuma ce “Mutane da yawa suna fama da yunwa saboda ba za su iya sayen abincin da za su ci ba, wanda a kullum farashin sa ke kara hauhawa.