Najeriya ta samu Naira biliyan 300 daga tashohin jiragen ruwa – NPA

Hukumar Tashoshin Jiragen Ruwa ta Najeriya (NPA) ta samar da sama da Naira biliyan 300 daga kudaden harajin da jiragen ruwa ke biya.

Hukumar ta yi nasarar tattara kudaden ne daga watan Janairun 2020 zuwa watan Yulin 2021.

A sakamakon binciken da jaridar The Nation ta gudanar ya nuna cewa, NPA na samar da sama da dala miliyan 200 a kowace shekara daga kudaden harajin jiragen ruwa da ake karba.

Ta cikin wata takardar yarjejeniya da hukumar ta sanya wa hannu a shekarar 2005, an sa ran hukumar za ta samar da sama da dala miliyan 124 daga kudaden da ake karbar na jiragen ruwan wadanda aka yi hasashen ajiye sama da kaso 70 na kudaden.