Kudaden da ake kashewa wajen shigo da kayayyakin abinci ya karu da kaso 23 – CBN

Canjin kudaden kasashen waje da Babban Bankin Najeriya CBN ke bayarwa wajen shigowa da kayayyakin abinci ya karu da kaso 23.81 da ya kai Dala biliyan 1 da miliyan 4 a watanni shidan farkon shekarar 2021.

A dadin ya karu ne idan aka kwatanta da na shekarar 2020 inda ya lashe sama da Dala miliyan 840 kasa da dala biliyan 1 na shakarar 2019.

Ko da yake a watan Satumbar 2020 shugaban kasa Muhammadu Buhari ya ba wa Babban Bankin CBN umarnin dakatar da bada canjin kudaden don shigo da kayayyaki.

Buhari ya bayar da umarnin ne a wani taron dabarun samar da wadatatcen abinci a kasar nan da ya gudana a fadar shugaban kasa.