NCC ta wayar da kan al’umma dangane da sabunta rijistar layikan waya a Kano

Hukumar sadarwa ta kasa NCC ta gabatar da wani taro anan Kano dan kawo karshen korafe-korafen da mutane sukeyi dangane da sabunta rijistar layikan waya.

Shugaban shiyya na hukumar, Alhaji Shu’aibu Sadi da ya jagoranci taron, ya ce, an gudanar da taron ne dan inganta harkar sadarwa a fadin kasar nan.

Shima shugaban kungiyar masu yin rijista da saya da layikan waya, kwamared Sulaiman Ya’u Sulaiman, ya bayyana cewar daga lokacin da aka dakatar da yin rijistar layikan waya a kasar nan mutanen su suka shiga mawiyacin hali.

Ya Kuma ce, yanzu haka kungiyar tasu ta cika dukkanin ka’idojin da hukumar sadarwa ta kasa ta sanya wajen yin rijista da sayar da layikan waya.