Sergio Ramos ya rattaba hannu a kwantiragin shekara 2 da PSG

Tsohon dan wasa mai tsaron bayan kungiyar kwallon kafa ta Real Madrid, Sergio Ramos, ya rattaba hannu a kwantiragin shekara biyu a PSG.

Ramos, mai shekaru 35, ya lashe Kofin Zakarun Turai sau hudu tare da Madrid, yayin da ya lashe Kofin Duniya kuma sau biyu yana daukar Kofin Turai tare da Spain.

PSG na matukar bukatar Ramos ya karawa ‘yan wasansu kwarewa a yunkurin samun cin Kofin Zakarun Turai na farko.

“Wannan rana ce da ba zan taba mantawa da ita ba domin na samu babban canji a rayuwata kuma sabon kalubale ne a gare ni,” in ji Ramos.