Nuno Espirito Santo ya zama sabon mai horar da Tottenham

Kungiyar kwallon kafa ta Tottenham ta nada Nuno Espirito Santo a matsayin sabon mai horarwa.

Nuno dan kasar Portugal ya bar kungiyar kwallon kafa ta Wolverhampton Wanderers da yake jagoranta a karshen kakar wasan da ta gabata.

Wolverhampton Wanderers ta samu damar zuwa gasar Firimiya League a shekarar 2018 bayan shafe shekaru shida ba tare da zuwa gasar ba, kuma suka riƙe matsayin su na kasancewa a saman tebirin gasar tsawon shekaru uku karkashin jagorancin Nuno.

“Idan kuna da tawaga mai inganci da hazaka, muna so mu sanya magoya bayanmu yin alfahari da jin dadi,” in ji Nuno.