Labarai
Ragin kudin hayar da muka samu na gidan haya zai rage farashin kayayyaki a kasuwar kantin kwari
![](https://freedomradionig.com/wp-content/uploads/2024/06/IMG-20240610-WA0001.jpg)
Yan kasuwar a kasuwar kantin kwari sun ce mutane za su samu saukin kayan suturun kasuwar a wannan lokacin da ake ciki na tsadar kayyayaki sakamakon ragin kudin hayar shaguna da suka samu a kasuwar.
Shugaban kungiyar Mumfarka Traders dake kasuwar kantin kwari Alhaji Yusuf M Yusuf, ya bayyana haka yayin da ya jagoranci yan kasuwar da ke haya a shagunan gidan Alaramma wajan karrama shugaban dake kula da gidaje da kadarorin alaramma.
Alhaji Yusuf M Yusuf ya kara da cewa abun a yaba ne kuma a yi koyi yadda masu wannan gida suka yiwa yan kasuwa ragi duba da yanayin da yan kasuwa suke ciki kuma wannan saukin zai shafi masu sayen kaya a kasuwar.
Ya kara da cewa akwai shagunan da suka sami ragin kimanin naira dubu dari da hamsin wasu kuma dubu dari wasu shagunan kuma dubu hamsin
Daya yake jawabi bayan karbar lambar yabon da kungiyar yan kasuwar suka kawo masa shugaban rukunin gidaje da kadarorin gidan Alhaji Musa Haruna Alaramma yayi kira ga sauran masu gidaje da su duba yanayin da ake ciki domin saukakawa yan kasuwar.
Ya kuma yabawa hadin kan mazauna gidan musamman yadda suke baiwa shugabannin su hadin kai.
You must be logged in to post a comment Login