Rashin tsaro: Buhari ya ba da umarnin tura Sojoji Dubu Shida jihar Zamfara

Shugaban kasa Muhamadu Buhari ya ba da umarnin turawa da sojoji dubu shida domin kakkabe ‘yan bindiga da ke ci gaba da cin karensu ba babbaka a jihar Zamfara.

Gwamnan jihar Zamfara Bello Muhammed Matawale ne ya bayyana haka yayin wani jawabi da ya gabatarwa al’ummar jihar da yammacin jiya Talata.

Ya ce shugaba Buhari ya bayyana cewa gwamnatinsa za ta yi duk mai yiwuwa wajen ganin ta kawo karshen ayyukan batagari a fadin kasar nan baki daya.