Rukuni na biyu na shirin N-Power za su karbi tallafin dubu 50 – Hajiya Sadiya

Gwamnatin tarayya ta fara aikin tantance wadanda za su ci gajiyar shirin N-Power da ke rukuni na biyu.

Ministar jin kai da kare yaduwar ibtila’I da ci gaban al’umma Hajiya Sadiya Umar Farouq ce ta bayyana hakan a daren jiya Alhamis, yayin bikin kaddamar da tsarin kula da harkokin saka jari na kasa.

A cewar ministar mutane miliyan daya ne za su ci gajiyar shirin na yanzu ta hanyar basu jari na naira dubu hamsin kowannen su.

Hajiya Sadiya ta kuma ce, wadanda suka ci gajiyar shirin a karo na biyu, na karkashin shirin nan na fitar da mutane miliyan 100 daga kangin talauci cikin shekaru 10.