Freedom Radio Nigeria

Freedom Radio Nigeria

Labarai

Rundunar sojan Najeriya ta harbe yan bindiga 78 a watan jiya

Published

on

Dakarun Sojin Najeriya na rundunar Operaion Hadarin Daji sun sanar da cewa sun samu nasarar harbe ‘yan bindiga 78 tsakanin watan jiya zuwa na Yulin nan da mu ke ciki.

Haka kuma rundunar ta ceto mutane 50 da aka yi garkuwa da su sannan suka kwato bindigogi 47 kirar AK47 da bindiga 1 mai sarrafa kanta, sai bindigogin garkajiya guda 14 da kanana kirar Pistol guda, da kuma tarin harsasai kusan 2,500.

Mai rikon mukamin draktan yada labarai na shelkwatar tsaron kasar nan Kanar Onyema Nwachukwu ne ya sanar da hakan jiya talata a Abuja yayin ganawa da manema labarai, yana mai Karin hasken cewa sun gano shanu 2,278 da kuma Babura 14.

Ya ce rundunar Sojin ta Operation Hadarin Daji wadda aka kafa don yaki da matsalolin tsaron da suka addabi arewacin Najaeriya, za ta ci gaba da farautar ‘yan bindigar a duk inda su ke, sannan a gurfanar da su gaban Kotu da zarar an kammala bincike.

Haka zalika ya yi tsokaci kan rundunar Operation Thunder Strike da aka kaddamar don yaki da masu sacewa da kuma garkuwa da mutane a kan hanyar Kaduna zuwa Abuja, inda ya ce sun kashe ‘yan bindiga 6 sannan suka kama 14 a wurin.

Kanar Nwachukwu ya kara da cewa sun gano maboyar ‘yan bindigar a garuruwan Jere da Katare da Rijana da kurmi-Karshi, sai Gidan-Mamman Black Gold da kuma Gidan-Guza.

 

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!