Rundunar sojin Najeriya ta nada sabon daraktan yada labarai

Rundunar sojin Najeriya ta nada birgediya Janaral Mohammed Yerima a matsayin sabon daraktan yada labarunta.

Birgediya Janaral Mohammed Yerima, ya maye gurbin Birgediya Janaral Saghir Musa, wanda shi kuma aka sauya masa wurin aiki zuwa ga cibiyar horasa da jami’an soji dake garin Kontagora a jihar Naija.

Kafin nadashi sabon mukamin Birgediya Janaral Mohammed Yerima, ya taba rike mukamin mukaddashin daraktan yada labaru na rundunar sojin Najeriya.

Ya sami digirinsa na farko daga jami’ar Ahmadu Bello dake Zaria, kuma yakaranci fanin kimiyyar siyasa ne
Sabon daraktan yada labarum, Birgediya Janaral Mohammed Yerima ya shiga aikin soja a watan oktoban 1989