Rundunar ‘yan sanda a Kaduna sun cafke jami’insu daya budewa mai adai-daita sahu wuta

Rundunar yan sandan jahar Kaduna ta cafke wani jami’inta da ake zargi da harbin wasu fasinjoji ,mace da namiji a cikin Baburin Adaidaita sahu ( Keke Napep ), sakamakon sanya Labule da matukin adaidaita sahun ya yi.

Hakan yasa Matuka baburan Adaidaita sahu suka rufe kan titin Ring road , na shiga Kaduna.

Daga bisani dai jami’an yan sandan sun samu nasarar saisaita al’amura akan hanyar bayan cafke matashin dan sanda da ake zargi da yin harbin.

Tuni dai aka sallami macen da tsautsayin ya rutsa da ita daga asibitin da aka kwantar da ita , yayin da namijin ya ke ci gaba da samun kulawar likitoci kamar yadda kakakin yan sandan jahar Kaduna ASP Mansur Hassan ya tabbatar.

Rahotin: Abdulkarim Muhammad Abdulkarim