Rundunar yan sanda Kano ta sanya dokar takaita zirga-zirga zuwa kammala zabe

Yayin da  za’a gudanar da zaɓen cike gurbi a wasu sassan jihar Kano, rundunar ‘yan sandan jihar ta sanya dokar taƙaita zirga-zirga ababen hawa.

Jami’in hulda da jama’a na rundunar SP Abdullahi Haruna Kiyawa ne ya tabbatarda hakan a daren jiya Juma’a, inda yace dokar zata fara aiki ne tun da misalin ƙarfe 12 na daren jiyan zuwa ƙarfe 5 na yammacin yau Asabar.

“Mun hana yawo ko  motsi na duk wani abin  hawa da sha 12 daren rana zaben da za a shiga zuwa karfe 5 na rana zabe.
Sai dai doka bata shafi masu fita aiki na musamman ba kamar ma’aikatan asibiti jami’an kashe gobara da jami’an tsaro.

Abdullahi Haruna Kiyawa yace za doka zatayi aiki akan duk wanda aka samu ya karya doka”.