Yan matan da yan bindiga suka sace a jami’ar Gusau sun shaki iskar yanci

Ɗaliban nan Mata biyu da yan bindiga suka sace a jami’ar gwamnatin tarayya da ke Gusau a jihar Zamfara sun shaƙi iskar ‘Yanci, bayan shafe kwanaki 12 a hannun waɗanda suka yi garkuwa da su.

Idan za’a iya tunawa wasu ‘Yan bindiga ne suka ƙutsa kai har cikin gidan kwanan ɗaliban dake sabon gida suka kuma yi awon gaba da su.

Tuni dai ƙungiyar ɗaliban Jihar ta Zamfara ta nuna farin cikinta da kuɓutar ɗaliban, ko da yake basu bayyana ko an biya kuɗin fansa ko ba’a biya ba.