Rundunar ‘yan sandan Kano ta kama matasan da suka fake da tashe suna kwacen wayoyi

Rundunar ‘yan sandan Kano ta kama wasu matasa sama da ashirin da ta ce suna fashin wayoyin jama’a.

A cewar rundunar matasan sun fake da tashe ne suna fashi wa jama’a.

Mai magana da yawun rundunar DSP Abdullahi Haruna Kiyawa matasan dauke da muggan makamai sun fito ne daga sassa daban daban na Kano suna gudanar da al’adar nan ta tashe, inda daga bisani suka sauya akalarsa zuwa kwacen wayoyin mutane da karfin tsiya.

DSP Abdullahi Haruna Kiyawa ya ce, bayan kwacen wayoyin matasan suna kuma saran jama’a da wukake da adduna sannan su karbe musu duk kayayyakin da ke hannunsu.

Haka zalika rundunar ta kuma kama masu fadan daba da masu satar wayoyin hannu a cikin baburan adaidaita sahu