Samar da dangantaka mai kyau a jami’o’i zai kawo cigaba – Adamu Adamu

Ministan ilimi Malam Adamu Adamu ya kaddamar da majalisar gudanarwa na jami’o’in kasar nan 13.

Malam Adamu Adamu ya kaddamar da majalisar ne a yau Litinin a babban birnin tarayya Abuja, yayin da ya bukace su da su samar da kyakyawan dangantaka a tsakanin su  lokacin da suke gudanar da ayyukan su cikin shekaru 4 da za su kwashe suna yi.

Ka zalika ya yi kira ga majalisar gudanarwar da su bi ka’idojin aiki yadda ya kamata ta amfani da dokokin da hukumar samar da ayyukan yi ta kasa ta yi.

A cewar ministan kamata ya yi majalisar ta bijiru da sababbin hanyoyin da gwamnatin tarayya zata samar da kudaden shiga.

Da yake jawabi babban sakatare na hukumar kula da jami’o’I ta kasa farfesa Abubakar Rasheed ya ce kaddamar da majalisar a halin yanzu kamar an dasa danba ne wajen samar da kwarewa a jami’o’I 12 na Najeriya