Zan bibiyi kasafin bana don tabbatar da ba a canja shi ba- Ndume

Dan majalisar dattawa mai wakiltar Borno ta kudu sanata Ali Ndume ya ce ba zai taba zuba ido ya ga an sauya wani abu daga kasafin kudin da aka warewa yankin arewacin kasarnan ba.

Sanata Ali Ndume ya bayyana hakan ne a wata hira da ‘yan Jarida, inda ya ce tuni ya gayyato wani kwararre kan kasafin kudi domin bibiyar kasafin kudin na bana don gane ko akwai gibin da aka yiwa yankin arewacin kasarnan.

Kazalika ya kalubalancin kudirin gwamnatin tarayya na sauya matsugunnin wasu manyan bangarori na Babban bankin Nigeria CBN da kuma hukumar lura da tasoshin jiragen saman kasarnan daga birnin tarayya Abuja zuwa Legas, yana mai cewa dalilan da aka bayar na daukar matakin basu da tushe bare makama