Sanusi Ƙiru ya ajiye Kwamishina, ya shiga tseren takarar majalisar tarayya

Kwamishinan ilimi na Kano Alhaji Sanusi Sa’idu Ƙiru ya sauka daga muƙaminsa don takarar ɗan majalisar tarayya a Ƙiru da Bebeji.

Mai taimakawa Gwamnan kan kafafen sada zumunta Abubakar Aminu Ibrahim ne ya sanar da hakan ta shafinsa na Facebook.

Wannan dai na zuwa ne kwana guda bayan da Gwamna Ganduje ya bai wa masu riƙe da muƙaman siyasa da ke sha’awar takara umarnin ajiye aiki domin biyayya ga dokar zaɓe.

Kawo yanzu Kwamishinoni shida ne suka ajiye muƙamansu a yau, tare da wasu daga hadiman Gwamnati da zimmar tsayawa takara.