Za mu ƙara kasafin kuɗi don biyawa ma’aikatan lafiya kuɗaɗen su – FG

Gwamnatin tarayya ta yabawa ƙungiyar likitoci masu neman ƙwarewa ta ƙasa NARD bisa janye yajin aikin sama da watanni biyu da suka yi.

Ministan ƙwadago da samar da aikin yi Chris Ngige ne ya bayyana lokacin da ya karɓi bakuncin shugabannin ƙungiyar ta NARD.

Chris Ngige ya yabawa shugaban ƙungiyar Godiya Ishaya bis ayadda ya umarci ƴaƴan ƙungiyar kan su koma bakin aikin su.

Kazalika ya bayyana musu cewa gwamnatin tarayya za ta ƙara kuɗaɗe a kasafin kuɗin baɗi don warewa ma’aikatan lafiya alawus-alawus da ya kai naira biliyan 47 daga 40 da ta ke biyna su kowacce shekara.

Sannan za a ci gaba da tura ma’aikatan lafiya domin samo horo da kuma biyan ma’aikatan kuɗaɗen alawus na haɗarin aikin corona.