Shugaban ƙasar Najeriya zaiyi jawabi gobe ƙarfe 7 na safe

Shugaban ƙasar Najeriya Bola Ahmed Tinubu zai gabatar da jawabi ga ƴan ƙasar nan a safiyar gobe Lahadi.

Wannan na ƙunshe ne ta cikin wata sanarwa da mashawarcin Shugaban Ƙasar a fannin kafafen yaɗa Labarai Ajuri Ngelale ya fitar da yammacin Asabar.

Tinubu zai yi jawabin ne da misalin ƙarfe 7 na safe, inda za’a maimaita jawabin da misalin ƙarfe 3 da kuma 7 na Yammacin goben.

Zadai a Jona jawabin Shugaban Ƙasar ne a gidajen Talabijin da radio mallakar Gwamnatin tarayya wato NTA da kuma FRCN.