Independence day: Tinubu zai yi wa ƴan ƙasa jawabi

Shugaban ƙasa Bola Ahmed Tinubu zai yiwa ƴan ƙasa jawabi a safiyar ranar Lahadi.

Jawabin na zuwa ne a wani ɓangare na bikin murnar cika shekaru 63 da samun ƴancin kan Najeriya.

shugaban ƙasa Bola Ahmed Tinubu zai gabatar da jawabin ne da ƙarfe 7am a ranar Lahadi 1 ga Oktoba, 2023 da karfe 7 na safe.

An umurci gidajen Talabijin da gidajen rediyo da sauran kafafen yada labarai na zamani da su riƙa jona jawabin a kafafen su kai tsaye domin yaɗa shirye-shiryen.

Hakan na cikin wata sanarwa da mai baiwa shugaban ƙasa shawara na musamman kan harkokin yaɗa labarai da hulɗa da jama’a Ajuri Ngelale ya fitar.