Shugaban Buhari ya yi ganawa ta musamman da jagororin Jihar Katsina

Shugaban kasa Muhammadu Buhari ya yi wata ganawa ta musamman da jagororin Dattijan Jihar Katsina a gidansa na Daura dake jihar ta Katsina.

Shugaba Buhari ya yi wannan tattauawa ne a jiya Lahadi, inada ya gana da Gwamnan Jihar ta Katsina Aminu Bello Masari da Sarkin Daura Alhai Umar Faruk da Galadiman Katsina kuma tsohon shugaban kotun daukaka kara ta tarayya Justice Mamman Nasir.

Haka zalika shugaba Buhari ya gana da Sarkin Maradun a Jihar Zamfara Alhaji Muhammad Tambari, wanda ya ziyarci shugaban kasar a garin Daura domin mika sakon ta’aziyyarsa bisa rasuwar wasu ‘yan-uwan shugaban kasar guda biyu.

Shugaban kasar wanda ya ke ziyarar kwanaki biyar a garinsa na Daura, ya gudanar da wata ganawar sirri da ‘yan-uwansa.