Shugaban hukumar tattara haraji na cikin gida a Kano ya yi murabus

Labarin dake ishe mu a yanzu-yanzu na nuni da cewar, Shugaban hukumar tattara haraji na cikin gida Sani Abdukadir Dambo yayi murabus daga kan mukamin sa a yau Alhamis.

Wannan na dauke cikin sanarwar da shugaban hukumar ya aikewa ofishin sakataren Gwamnatin jihar Alhaji Usman Alhaji a dazun nan.

Sai sanarwar bata fayece dalilan da suka sanya shugaban hukumar ta tattara haraji na cikin gida Dambo ya sanya yayi murabus ba amma kuma ya godewa Gwamnatin jihar Kano da ta bas hi damar yin aiki cikin Gwamnatin sa.

Muna dauke da cikakken labarin a nan  gaba.