Sojoji sun hallaka ƴan bindiga a Borno

Dakarun sojin kasar nan sun  hallaka ‘yan Boko Haram masu alaka da kungiyar ISWAP, lokacin da suka yi yunkurin kaiwa sansani soji da ke Damboa a jihar Borno hari.

Jaridar PRNigeria ta rawaito cewa maharan sun yi yukurin kai harin ne da motocin harba roka guda 9.

Ƴan bindiga dai na  dauke da manyan bindigogi masu sarrafa kansu.

Haka zalika sojojin sun samu nasarar kwato motocin harba roka guda uku da sauran makamai, kuma ba su bayyana adadin ‘yan bindigar da suka kashe ba.