Sojoji sun yi luguden wuta a jihohin Katsina da Sokoto

Dakarun Operation Hadarin Daji na sojojin ƙasar nan sun yi luguden wuta kan sansanonin ‘yan bindiga a cikin dazukan Jihohin Sokoto da kuma Katsina, tare da hallaka 34 da kuma jikkata wasu 20.

Jaridar PRNigeria ta rawaito cewa sojojin sun yi luguden wutar ne ta jiragen sama.

Yankunan da suka yi luguden wutar kuwa su ne Mashema da ‘Yanfako da Geɓe da kuma Gatawa, duk a kananan hukumomin Isa da kuma Sabon Birni da ke Jihar Sokoto.

Sai kuma wasu yankuna na karamar hukumar Kankara ta Jihar Katsina.