Tarihi: ko kun san me yasa Ja’afar Ja’afar ya yi gudun hijra

A ranar 25 ga watan Okotaban 2018 babban editan jaridar Daily Nigerian da ake wallafawa a Internet Ja’afar Ja’afar ya bayyana gaban majalisar dokokin jihar Kano.

Ja’afar Ja’afar ya bayyana gaban majalisar ne don bada ba’asi kan binciken da majalisar ke gudanarwa ga me da zargin da ake yiwa gwamnan Kano Dakta Abdullahi Umar Ganduje.

Zargin dai shi ne batun karɓar miliyoyin daloli a matsayin na-goro daga hannun ƴan kwangila.

Sai dai tun bayan hakan ne, Ja’afar Ja’afar ya yi gudun hijra zuwa ƙasar Burtaniya sakamakon zargin da yake na ana farautar rayuwar sa.

Ya ce, tun bayan da ya saki faifan bidiyon dala ya fara fuskantar barazana a rayuwar sa.