TNM ƙungiyar al’umma ce ba jam’iyya ba – PDP

Jam’iyyar PDP a Kano ta musanta jita-jitar da ake yaɗawa cewa madugun jam’iyyar Sanata Rabi’u Musa Kwankwaso zai kafa sabuwar jam’iyya mai taken TNM.

Sakataren yaɗa labarai jam’iyyar a Kano Bashir Sanata ne ya tabbatar da hakan ga Freedom Radio.

Bashir Sanata ya ce, sabuwar kungiyar mai taken The National Movement TNM ba jam’iyya ba ce, kungiya ce da za’a kafa domin wayar da kan al’umma.

Ya kuma ce bazai iya cewa komai kan taron da ake gudanarwa a abuja ba, sai dai nan gaba kaɗan idan an kammala taron.