Tsaro: A guji siyasantar da harkokin tsaro – Benard Onyeuko

Shalkwatar tsaro ta ƙasa ta yi gargaɗi ga yan siyasar ƙasar nan da su guji siyasantar da harkokin tsaro.

Gargaɗin na zuwa ne biyo bayan wani labari da ake yaɗawa ta kafar internet cewa daraktan hulɗa da jama’a na rundunar birgediya janar Onyema Nwachukwu, ya sanar da cewa sojojin na yunƙurin yin juyin mulki.

Hakan na cikin wata sanarwa da daraktan yaɗa labaran rundunar Birgediya Benard Onyeuko ya fitar da ke bayyana labarin a matsayin kanzon kurege kuma bashi da tushe ballantana makama.

A cewar sa, wasu mutane ne da ke son tada zaune tsaye suka ƙirƙiri labarin domin tada zaune tsaye.