Wata kungiya ta yi alkawarin tallafawa jihar Kano da ruwan sha

Gamayyar wasu kungiyoyin kasa da kasa da ke rajin tallafawa dan Adam mai suna ‘Federation of the Associations that value Humanity’ dake da shalkwata a birnin Santanbul a kasar Turkiyya, ta sha alwashin ci gaba da gudanar da ayyukan samar da ruwan sha a sassa daban-daban na jihar Kano.

Babban jami’in kula da ayyuka na gamayyar kungiyoyin anan Kano, Askia Muhammad Nasiru Kabara ne ya bayyana haka, yayin tattaunawa da tashar Freedom Rediyo.

Ya ce gamayyar kungiyoyin suna duba bangarori da suka fi muhimmanci da kuma ke bukatar gudunmawar gaggawa.

Askia Muhammad Nasiru Kabara, ya kara dacewa, kungiyar tana kuma ciyar da marayu tare da daukar nauyin Karatunsu.

Wakilin mu Aminu Halilu Tudunwada, ya ruwaito babban jami’in kula da ayyukan kungiyar anan Kano na kira ga masu hannu da shuni da su rungumi dabi’ar taimakon al’umma.