Yadda aka kashe fiye da dala biliyan 2 tsakanin shekara ta 2019 zuwa bara a NNPC

Kamfanin mai na kasa NNPC ya ce tsakanin watan Nuwamban shekarar dubu biyu da goma sha tara zuwa Nuwamban shekarar da ta gabata ta 2020 ya sayar da mai da iskar gas da ya kai na dala biliyan biyu da miliyan tamanin da tara.

Kasar nan dai ta yi fama da karancin kudaden shiga a shekarar data gabata ta 2020 sakamakon faduwar da man fetur ya yi a duniya sanadiyar annobar cutar coronavirus.

Acikin rahoton da ta fitar, hukumar NNPC ta ce ta samu rarar naira biliyan goma sha uku da miliyan arba’in da uku a watan nuwamban shekarar da ya gabata.

Wannan bayani na kunshe ne ta cikin rahoton da kanfanin ya fitar na watan Nuwamba shekarar da ta gabata ta 2020, mai dauke da sa hannun manaja dake kula da harkokin yada labarai na kamfanin Kennie Obateru.