Yadda aka rushe ginin jikin masallacin juma’a na Fagge

Da safiyar ranar Litinin ne jami’an hukumar tsara birane ta jihar Kano KNUPDA, suka rushe wasu daga cikin gine-ginen da aka yi a masallacin Juma’a na Fagge.

A makon da ya gabata ne hukumar ta bada umarnin dakatar da ci gaba da gini a wurin.

Bada umarnin dai ya biyo bayan umarnin da majalisar dokoki ta jihar Kano ta yi a zamanta na ranar Talatar da ta gabata.

Jami’an hukumar sun isa wurin tare da yin amfani da mota Caterpillar inda suka baje wasu daga cikin ginin.

Tuni dai al’ummar yankin suke ta nuna farin cikin su da tausai ɗin da aka yi a masallacin, duk da jami’an tsaron da aka girke a wajen don hana kwasar ganima.