Yadda aka sami arangama tsakanin manoma da makiyaya a Jigawa

Akalla mutane 19 ne suka jikkata biyo bayan wata arangama tsakanin manoma da makiyaya a jihar Jigawa.

A yayin arangamar dai wani mutum mai suna Musa Mamman dan shekaru 55 ya mutu a kauyen Madamuwa dake karamar hukumar Guri dake jihar.

Mai Magana da yawun rundunar ‘yan sandan jihar Abdul Jinjiri ya bayyana cewa tuni jami’an su suka cafke mutane biyu da ake zargi da hannu cikin tada rikicin.

Ya kara da cewa sauran mutanen da suka jikkatan tuni aka kai su cibiyar lafiya ta Gwamnatin tarayya dake Nguru don ceto rayukan su.