Yajin aiki : Meyewa ne mu tsunduma yajin aiki – SANNU

Kungiyar manyan ma’aikatan jami’o’in Najeriya SSANU da na kungiyar ma’aikatan da ba malamai ba NASU za su yi wata ganawa ta musamman a yau Talata kan shirin yajin aikin da kungiyoyin kwadago suke barazanar tsunduma.

Rahotanni sun bayyana cewa ministan kwadago da samar da ayyukan yi Chris Ngige ne zai jagoranci taron karkashin gwamnatin tarayya.

Sai kuma shugaban SSANU Mohammed Ibrahim Haruna zai jagoranci kungiyoyin kwadagon don gudanar da taron.

Ana sa ran ganawar ta su zata mayar da hankali kan batun mafi karancin albashi da kuma batun tsarin albashi na IPPIS da kuma rashin biyan kudin fansho na mambobin kungiyar da suka kammala aikin, tare da nazartar yarjejeniyar da suka kulla da gwamnatin tun a shekarar 2019.